Kurti kërkon nga ndërkombëtarët të ndëshkojnë Serbinë

Kryeministri i Kosovës, Albin Kurti, ka kërkuar reagim më të ashpër ndaj Serbisë, të cilën e akuzon si pjesëmarrëse të drejtpërdrejtë në sulmin e grupit paraushtarak serb në Banjskë të Zveçanit më 24 shtator, ku mbeti i vdekur rreshteri i Policisë së Kosovës, Afrim Bunjaku.

Në një intervistë për Sky News të premten, Kurti tha se sulmi ishte i orkestruar nga Beogradi.

“Ata [Serbia] e mohojnë, sepse po luajnë me librin e lojërave të Putinit në Donbas. Burra të veshur me të gjelbër në pjesën veriore të Kosovës. Jo pak, por njerëz të gjelbër që donin të fillonin një luftë dhe ta ndanin Kosovën”, ka thënë Kurti, përcjell albinfo.ch.