Presidenti amerikan ofron mbështetje për Izraelin

(AP Photo/Susan Walsh)

Presidenti i Shteteve të Bashkuara të Amerikës, Joe Biden, ka ofruar mbështetje për Izraelin, thuhet në një komunikatë nga kryeministria izraelite.

“Presidenti i SHBA-së, Joe Biden, ka thirrur kryeministrin Benjamin Netanyahu dhe ka theksuar se SHBA-ja qëndron krah Izraelit dhe e përkrah plotësisht të drejtën e Izraelit për vetëmbrojtje. Kryeministri ka falënderuar presidentin e SHBA-së për përkrahjen e parezervë dhe e ka bërë të qartë se kërkohet kampanjë e gjatë dhe e fuqishme për fitoren e Izraelit”, thuhet në komunikatë, përcjell albinfo.ch.

Në anën tjetër, Sekretari amerikan i Shtetit, Antony Blinken, ka thënë se SHBA-ja dënon sulmet nga grupi terrorist i Hamasit ndaj Izraelit.