Stoltenberg: Shqetësuese situata në Kosovë, nuk lejojmë të kthehet dhuna e viteve të 90-ta

Sekretari i Përgjithshëm i NATO-s, Jens Stoltenberg, e ka vlerësuarsi shumë shqetësuese situatën në Kosovë ndërsa ka garantuar se misioni i NATO-s në Kosovë, KFOR do ta ruajë paqen në rajon.

“Situata në Kosovë është shkak për shqetësim të madh… Dua të them shumë qartë: trupat e NATO-s janë të gatshme të ruajnë paqen në Kosovë. Nuk do të lejojmë që dhuna e viteve 1990 të kthehet”, ka thënë ai në një intervistë për gazetën gjermane “Welt”.

Ai ka thënë se Kosova dhe Serbia duhet t’i kthehen dialogut të ndërmjetësuar nga Bashkimi Evropian teksa kjo është mënyra e vetme për të arritur paqe të qëndrueshme për të gjitha komunitetet, përcjell albinfo.ch.