Rrëfime të tmerrshme nga sulmet në Izrael

EPA/MOHAMMED SABER

Rrëfime të tmerrshme vijnë nga dëshmitarët që përjetuan sulmin e mijëra terroristëve të Hamasit ditën e shtunë, në qytetet kufitare të Izraelit.

Teksa numri i viktimave mes civilëve ka shkuar mbi 800, raportohet se të paktën 40 prej tyre janë fëmijë të mitur, transmeton cnn, përcjell albinfo.ch.

Tabloja më tragjike paraqitet në vendbanimin e Kfar Azza, ku ushtarë izraelitë deklaruan për mediat vendase dhe ndërkombëtare se kanë gjetur trupat e masakruar të disa fëmijëve të pafajshëm.

Sipas tyre, familje të tëra ishin eliminuar pa asnjë motiv, teksa bilanci i fataliteteve pritet të rritet pasi shumë njerëz ende mungojnë në apel.