Kuvendi i Kosovës, seancë të jashtëzakonshme për Policinë

Partia Demokratike e Kosovës ka thirrur seancë të jashtëzakonshme të enjten për shqyrtim-propozimin e rezolutës për mbështetjen financiare të Policisë së Kosovës.

Sipas kreut të kësaj partie, Memli Krasniqit, forcimi dhe mbështetja e Policisë duhet të jenë primare.

“Nesër kemi thirrur seancë të jashtëzakonshme për ta miratuar këtë rezolutë. Policët tonë meritojnë shtesat për rrezikshmërinë, sigurimin shëndetësor dhe miratimin e Ligjit për pensionim të parakohshëm. I ftoj të gjithë deputetët e Kuvendit të Kosovës që nesër, me votën e tyre, të dëshmojnë se e mbështesin dhe janë me Policinë e Kosovës – sepse vetëm fjalët dhe postimet në rrjetet sociale nuk mjaftojnë”, ka shkruar ai, përcjell albinfo.ch.