Gjendet i vdekur në lumin në fshatin Raskovë të Obiliqit, fëmija pesë vjeçar

Një fëmijë i moshës 5-vjeçare është gjetur pa shenja jete orët e mbrëmjes së të premtes në lumin e fshatit Raskovë të Obliqit.

Shoqata e Kosovës për Kërkim – Shpëtim ka deklaruar se pas alarmit për zhdukjen e fëmijës, pjesëtarët e shoqatës u aktivizuan për gjetjen e tij.

“Pas një alarmi të marrë për zhdukjen e një fëmiju 4 vjeçar në Raskovë të komunës së Obiliqit, pjesëtarët e shoqatës u aktivizuan në kohë rekorde. Pas kërkimeve intensive së bashku me Policinë e Kosovës dhe bashkëfshatarët u bë e mundur gjetja e fëmijut 4 vjeçar por fatkeqësisht pa shenja të jetës. Ngushëllime familjes dhe fshatit Raskovë për këtë humbje të madhe”, thuhet në njoftimin e kësaj shoqate, përcjell albinfo.ch.

Zëdhënësi i Policisë për rajonin e Prishtinës, Agron Borovci konfirmon për mediat se po trajtohen rrethanat që e karakterizojnë ngjarjen.

“Rreth orës 18:15, është pranuar informata ndërlidhur me dyshimet për rënien në lum të një fëmije rreth pesë vjeç, në fshatin Raskovë të komunës së Obiliqit. Policia menjëherë ka dalë në vendin e ngjarjes, me ç’rast ka vijuar kërkimet dhe gjurmimet në terren. Rreth orës 20:30 është raportuar për gjetjen e trupit të fëmijës por fatkeqësisht pa shenja jete”, ka thënë ai, përcjell albinfo.ch.