Zëvendëskryeministri i Kosovës takohet me mërgatën në Francë

Ambasada e Republikës së Kosovës në Francë ka organizuar mbrëmjen e djeshme pritje për zëvendëskryeministrin e parë për Integrim Evropian, Zhvillim dhe Dialog të Republikës së Kosovës, Besnik Bislimi, me mërgatën në Francë, bëhet e ditur nga Zyra e Kryeministrit, shkruan albinfo.ch.

Bislimi ka bashkëbiseduar me mërgatën, ku përfshiheshin studentët dhe e sipërmarrësit, teksa në njoftim u tha se rëndësia dhe roli i tyre është kyç për vendin, teksa u theksua se Qeveria i kushton vëmendje të veçantë diasporës.

“Njerëzit dhe profesionistët e duhur, në vendet e duhura, janë thelbësore për zhvillimin dhe përparimin e vendit, prandaj ne jemi të interesuar si qeveri të tërheqim profesionistë të talentuar, brenda dhe jashtë vendit. Zëvendëskryeministri Bislimi e falënderoi diasporën për gjithë kontributin e dhënë në Kosovë. Diaspora mbetet një pjesë kyçe e përpjekjeve tona për zhvillim të vazhdueshëm dhe të qëndrueshëm”, thuhet ndër të tjera në njoftim.