Tre persona plagosen në Prishtinë

Policia e Kosovës ka njoftuar se tre persona janë plagosur në lagjen Lakrishtë në Prishtinë nga armë zjarri.
“Sot rreth orës 19:00 policia ka marrë informatën për një plagosje me armë zjarri të ndodhur në lagjen Lakrishte në Prishtinë. Menjëherë pas marrjes së informatës policia ka dalë në vendin e ngjarjes  dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen”, njofton policia.
Autorët janë identifikuar dhe janë në kërkim.

“Bazuar në të dhënat fillestare, dyshohet se me armë zjarri janë plagosur tre persona, të cilët janë dërguar për tretman mjekësor.
Hetuesit policorë në koordinim me prokurorinë po ndërmarrin  veprimet hetimore për arrestimin e dy personave të dyshuar (të cilët janë identifikuar) si dhe ndriçimin e plotë të rastit”, shton tutje policia.