Hamasi liron dy shtetase amerikane të mbajtura peng në Gaza

Foto nga arkiva (KEYSTONE/AP Photo/Fatima Shbair)

Hamasi tha se krahu i tij i armatosur, Brigadat Qassam, kishte liruar dy pengje amerikanë që ishin mbajtur nga grupi pas sulmeve terroriste në Izrael më 7 tetor. Lajmi fillimisht u bë i ditur nga Channel 13 Neës i Izraelit dhe transmetuesi publik Kan.

Lirimi i pengjeve, Judith dhe Natalie Raanan, u konfirmua përmes një deklarate nga Zyra e Kryeministrit izraelit.

“Në përgjigje të përpjekjeve të Katarit, Brigadat (Qassam) liruan dy shtetas amerikanë (një nënë dhe vajzën e saj) për arsye humanitare”, tha Hamasi në një deklaratë të postuar në Telegram, shkruan DW.

Grupi islamik nuk dha asnjë informacion shtesë se ku u liruan pengjet. Izraeli më vonë konfirmoi se dy pengje ishin liruar dhe ishin në vend.

Gratë ishin rrugës për në një bazë ushtarake në Izraelin qendror, sipas një deklarate nga zyra e kryeministrit Benjamin Netanyahu.

Qeveria e Izraelit vlerëson se rreth 200 persona mbahen nga Hamasi në Gaza, nga të cilët të paktën 10 besohet të jenë shtetas amerikanë, përcjell albinfo.ch.

Hamasi është kategorizuar si një grup terrorist nga Shtetet e Bashkuara, Bashkimi Evropian, Gjermania dhe një sërë vendesh të tjera.