Vuçiq paralajmëron takim me Kurtin

Presidenti i Serbisë, Aleksandar Vuçiq, ka paralajmëruar takim në Bruksel me kryeministrin e Kosovës, Albin Kurti.

“Agjenda është në përputhje me atë që është diskutuar me ‘pesëshen e madhe’ dhe se nuk mund të flas për këtë, sepse marrëveshja është e tillë. Pas kësaj do të kemi më shumë informacione. E jona është që ta mbrojmë Serbinë nga të gjitha masat e mundshme, por dhe nga shembja e interesave tona kombëtare dhe shtetërore”, ka thënë Vuçiqi.

Kurti dhe Vuçiq janë takuar për herë të fundit më 14 shtator, dhjetë ditë më vonë Policia e Kosovës u sulmua nga një sulm terrorist ku mbeti i vrarë rreshteri Afrim Bunjaku.