Sveçla: Grupe të tjera po stërviten në Serbi për sulme të mundshme ndaj Kosovës

Keystone (AP Photo/Dejan Simicevic)

Ministri i Punëve të Brendshme, Xhelal Sveçla, ka njoftuar se ka informata inteligjente se grupe të tjera janë duke u trajnuar në Serbi për sulme të mundshme ndaj Republikës së Kosovës.

“Kemi informata inteligjente se grupe të tjera janë duke u trajnuar, se jo vetëm Radoiçiqi, por edhe Veselinoviq do të jenë pjesë e sulmeve të ardhshme nëse ne do t’i lejojmë të ndodhin ato, me të vetmin qëllim që të shkaktojnë një situatë të re në terren, ku pozicioni i Serbisë do të përmirësohej në raport me qëllimin e tyre për ta shkatërruar Kosovën”, ka thënë Sveçla për KTV-në.

Ai shton se Kosova do të kërkojë ekstradimin e pjesëtarëve të grupit terrorit që sulmoi Policinë e Kosovës më 24 shtator.

“Jo vetëm ndaj tij, por edhe ndaj atyre që e kanë planifikuar këtë sulm ndaj sovranitetit territorial të Republikës së Kosovës, ne nuk do të ndalemi me kaq”, ka shtuar ai, përcjell albinfo.ch.