Kryeministrja italiane: Kurtit e Vuçiqit i kërkuam t’i zbatojnë marrëveshjet

Keystone (AP Photo/Andrew Medichini)

Kryeministrja e Italisë, Giorgia Meloni, pas takimit që ka pasur me kryeministrin e Kosovës, Albin Kurti, ka deklaruar se të dyja vendeve, Kosovës dhe Serbisë, u kanë kërkuar që të zbatojnë marrëveshjet e hartuara së bashku në muajt dhe vitet e kaluara.

Sipas saj, Italia, Franca, Gjermania dhe Bashkimi Evropian janë të përkushtuara për një zgjidhje pas skenarit kritik në mes Kosovës dhe Serbisë dhe janë duke kërkuar një zgjidhje pas një pune shumë të gjatë që është bërë nga këto vende, shkruan albinfo.ch.

“Po përpiqemi të bëjmë hapa përpara dhe u kemi kërkuar të dy liderëve të ndërmarrin hapa përpara në lidhje me zbatimin e dokumenteve dhe marrëveshjeve të hartuara së bashku në vitet e në muajt e kaluar. Do të shohim se si do të shkojë gjatë ditës, shpresojmë të bëjmë hapa përpara”, ka thënë ajo.

Ndryshe, pas takimit të së shtunës mes kryeministrit Albin Kurti dhe pesëshes evropiane, ai nuk është deklaruar për media.