Deputetja britanike pas deklaratës së Vuçiqit, i bën thirrje BE-së të largojë sanksionet ndaj Kosovës

Alicia Kearns, FB

Deputetja e Britanisë së Madhe, Alicia Kearns, pas deklaratës së presidentit serb, Aleksandar Vuçiq, i cili u shpreh se nuk mund të pranojnë asgjë që lidhet me njohjen e Kosovës apo anëtarësimin në Organizatën e Kombeve të Bashkuara, ka kërkuar heqjen e sanksioneve ndaj Kosovës.

Përmes një postimi në rrjetin social “Twitter” ajo ka thënë se Vuçiq po refuzon të punojë me komunitetin ndërkombëtar, përcjell albinfo.ch.

“Edhe një herë Kosova punon me komunitetin ndërkombëtar, përkundër një sulmi terrorist të orkestruar nga Beogradi. Edhe një herë Vuçiq refuzon. Hiqni sanksionet ndaj Kosovës, tani Josep Borrell dhe Ursula Von der Leyen”, ka shkruar ajo.

Once again Kosovo works with the Int’l community, despite a terror attack orchestrated by Belgrade.

Once again Vucic refuses.

Remove the sanctions on Kosovo, now @JosepBorrellF and @vonderleyen. https://t.co/njBcT5Fuqg

— Alicia Kearns MP (@aliciakearns) October 29, 2023