Deklarimet pas takimit Osmani – Von der Leyen

Konferenca

Presidentja e Kosovës, Vjosa Osmani, pas takimit me presidenten e Komisonit Evropian, Ursula von der Leyen, në një konferencë të përbashkët ka kërkuar vendin e statusit kandidat për Kosovën në Bashkimin Evropian.

“Vitin e kaluar Bashkimi Evropian mori vendime të rëndësishme, duke i dhënë statusin e vendit kandidat Ukrainës, Moldavisë dhe Bosnjë e Hercegovinës, këto ishin vendime strategjike, të cilat rikonfirmuan përkushtimin e BE-së ndaj vendeve që kërkojnë anëtarësim dhe i kundërpërgjigjen sfidimit ndaj regjimeve autoritare, siç është i Putinit. Është e rëndësishme në mbledhjen e dhjetorit të Këshillit të BE-së, BE-ja të avancojë edhe statusin kandidat për Kosovën, gjithnjë në një proces të bazuar në merita”, ka thënë ajo, përcjell albinfo.ch.

Në anën tjetër, Presidentja e Komisionit Evropian, Ursula von der Leyen, ka folur rreth agresionit të Serbisë në Kosovë më 24 shtator, teksa dënoi fuqishëm sulmin ku u vra polici Afrim Bunjaku.

“Unë u shpreh ngushëlimet më të sinqerta familjes dhe miqve të policit të vrarë. Ky sulm është i papranueshëm dhe bie ndesh me vlerat evropiane”, ka thënë ajo.

Tutje ajo ka thënë se Serbia duhet të pranojë njohjen de facto të Kosovës dhe Kosova duhet ta pranojë draftin e Asociacionit të Komunave me shumicë serbe.

Von der Leyen njoftoi se nesër do të zhvillojë një vizitë zyrtare edhe në Serbi, teksa tha se këto qëndrime do t’i bëjë të ditura edhe atje.