Suspendohet drejtori i prokurimit në Ministrinë e Infrastrukturës pas sanksionimit në SHBA

Nexhat Krasniqi, drejtor i Prokurimit në Ministrinë e Infrastrukturës, është pezulluar nga detyra, pasi u sanksionua nga Shtetet e Bashkuara të Amerikës.

DASH-i njoftoi të premten se Krasniqi është sanksionuar “për shkak të përfshirjes në korrupsion të madh. Si zyrtar publik përgjegjës për mbikëqyrjen e kontratave të prokurimit, Krasniqi ka abuzuar me postin e tij publik duke pranuar ryshfet në këmbim të dhënies së kontratës për lejimin e ndërtimit të parkut industrial në komunën e Drenasit nga kompania Eltoni”, përcjell albinfo.ch.

Krasniqi në vitin 2015 ishte dënuar me 25 muaj burgim pasi u gjet fajtor për keqpërdorim të detyrës zyrtare në rastin e Parkut të Biznesit në Drenas.

Krasniqi kishte qenë edhe në departamentin e prokurimit në Ministrinë e Tregtisë.