Von Cramon: Një pjesë e madhe e provokimeve vijnë nga Serbia, Kosova ta formojë Asociacionin

Raportuesja për Kosovën në Parlamentin Evropian, Viola von Cramon, duke folur për dialogun Kosovë-Serbi, ka vlerësuar se Marrëveshja e Ohrit është një bazë e mirë që synon “t’i mundësojë Kosovës t’i bëjë hapat e ardhshëm dhe të materializojë qëndrimin e saj proevropian, reformat e saj, në procesin e anëtarësimit në Bashkimin Evropian dhe në procesin e anëtarësimit në Këshillin e Evropës”.

Von Cramon është shprehur se duhet të plotësohet një kusht dhe ai është që të bëhet propozimi për formimin e Asociacionit në një formë, përcjell albinfo.ch.

“Dhe, për sa kohë që kjo shkon kaq vështirë, që u nënshkrua dy herë, në vitin 2013 dhe 2015, sigurisht që i gjithë procesi ngec”, ka thënë ajo për DW.

Në anën tjetër, ajo deklaroi se nëse të dyja palët tregojnë një vullnet të caktuar politik për të arritur një kompromis, ne mund të bëjmë një hap të madh përpara.

“Një pjesë e madhe e provokimeve vijnë nga Serbia, për këtë sigurisht që nuk ka dyshim, por ne gjithashtu duhet ta shohim që edhe Kosova kontribuon në këtë”, ka thënë tutje ajo.