Turqia tërheq ambasadorin nga Izraeli

Ministria e Punëve të Jashtme e Turqisë ka njoftuar se vendi ka marrë vendim të tërheqë nga Izraeli ambasadorin Sakir Ozkan Torunlar për, siç u tha, konsultime lidhur me refuzimin e Izraelit për armëpushim dhe rrjedhjen e papenguar të ndihmës humanitare.

Të premten presidenti turk, Recep Tayyip Erdogan, ka thënë se do t’i ndërpresë kontaktet me kryeministrin izraelit, Benjamin Netanyahu, përcjell albinfo.ch.

“Ai nuk është më dikush që mund të flasim me të. E kemi fshirë”, ka thënë ai, teksa u shpreh se megjithatë Turqia nuk po i shkëput raportet me Izraelin dhe se inteligjenca turke është në kontakt me autoritetet izraelite, palestineze dhe me Hamasin.