Kurti e cilëson draftin e Asociacionit si të avancuar

Kryeministri i Kosovës, Albin Kurti, ka folur për draftin e statutit të Asociacionit të Komunave me shumicë serbe.

Ai e ka cilësuar atë si të avancuar, derisa shton se vërejtjet ia ka dërguar ndërmjetësit Miroslav Lajçak.

“Për hir të konfidencialitetit të draftit nuk mund të flasë as për vërejtjet e kritikat e mia. Ato janë shumë të rëndësishme. Ia kam përcjellë emisarit evropian, nëpërmjet zëvendësit tim, Besnik Bislimi, më 24 tetor, dy ditë para se të takohemi në Bruksel. Ky është draft krejtësisht tjetër, pakrahasimisht më i avancuar, por kjo nuk do të thotë që ne jemi të kënaqur, andaj edhe unë i kam dërguar vërejtjet dhe kritikat e mia”, ka thënë Kurti, përcjell albinfo.ch.

Ai thotë se do ta nënshkruajë pakon, marrëveshjen bazë me aneksin dhe draftin, por jo të ndara.