Shoqata zvicerane e punëdhënësve: Disa paga do të rriten

(KEYSTONE/Christian Beutler)

Punonjësit mund të përfitojnë një rritje reale të pagës në vitin 2024 në Zvicër, paralajmëron presidenti i Shoqatës së Punëdhënësve Zviceranë, Severin Moser. Por “nuk do të arrijmë rritje prej 4 deri në 5%, siç kërkojnë sindikatat”, ka thënë ai, shkruan swissinfo.

“Inflacioni pritet të jetë rreth 2.1% për vitin 2023 dhe besoj se rritja e pagave mund të jetë më e lartë se kjo normë”, specifikon Moser në një intervistë për Le Temps, teksa sipas tij, situata e tensionuar në tregun e punës inkurajon kompanitë që të ofrojnë kushte të mira për punonjësit e tyre për të mbetur atraktiv, përcjell albinfo.ch.

Sipas tij, jo të gjithë punëtorët do të përfitojnë nga rritja reale e pagave, ndërsa u shpreh se ka disa sektorë për të cilët do të jetë e vështirë.

Ai u shpreh se ka vite kur punonjësit humbasin, por të tjera ku fitojnë.

Vitin e kaluar është e vërtetë që pagat reale ranë, por nëse shikojmë dhjetë vjetët e fundit, ka një rritje mesatare vjetore prej 0.3%. Dhe me daljen në pension të gjysmë milioni punëtorëve deri në vitin 2030, ne do të mbetemi në një treg të favorshëm për punëkërkuesit”, ka shtuar tutje ai.

Për t’u marrë me këto largime masive, Moser rekomandon përdorimin më të mirë të potencialit ekzistues, si për shembull, gratë ose të moshuarit.

“Për këto profile, ne duhet të mendojmë për sisteme më fleksibël të daljes në pension”.

Tutje, ai përmend në veçanti një rritje të moshës së pensionit në 66 vjeç.

“Ne kemi pritur shumë kohë për të marrë zhytjen përballë zhvillimeve demografike në shtyllën e parë. Nisma për pensionet e të Rinjve Liberal-Radikalë na ofron një rrugëdalje nga ky ngërç politik. Nisma do të hidhet në votim në mars 2024”, bëri të ditur ai.