Lajçaku në Serbi diskutoi për zbatimin e Marrëveshjes Bazë

Miroslav Lajcak, X

I dërguari i Bashkimit Evropian për dialogun Kosovë-Serbi, Miroslav Lajçak, të martën ka qëndruar në Serbi, ku është takuar me Presidentin serb, Aleksandar Vuçiq dhe me kryenegociatorin e Serbisë, Petar Petkoviq.

Ai njoftoi se u diskutua për zbatimin e Marrëveshjes bazë për normalizim të marrëdhënieve.

“Pas vizitës sime në Kosovë, udhëtova edhe në Beograd për t’u përgatitur për takimin e kësaj jave mes kryenegociatorëve… Diskutova për rrugën para në dialog dhe nevojën e hapave të radhës për implementimin e Marrëveshjes, në rrugën për normalizim”, ka shkruar ai, përcjell albinfo.ch.

Presidenti i Serbisë, Aleksandar Vuçiq, ka thënë se “Serbia është gjithmonë e gatshme për dialog” dhe “për të respektuar gjithçka që është nënshkruar dhe është rënë dakord”.