Njoftim për shtetasit e Republikës së Kosovës që jetojnë apo planifikojnë të udhëtojnë drejt Islandës

(KEYSTONE/Christian Beutler)

Ambasada e Republikës së Kosovës në Stokholm njofton të gjithë shtetasit e Republikës së Kosovës që ndodhen brenda apo planifikojnë të udhëtojnë drejt Islandës, që t’i shmangin zonat me rrezik të lartë sizmik dhe vullkanik, sidomos në gadishullin Reykjane, në jugperëndim të Islandës, transmeton albinfo.ch.

Qeveria islandeze ka aktivizuar planin e reagimit me synim që të sigurojë veprime të rregullta dhe të koordinuara nga të gjitha palët në kohë emergjence, me ç’ rast edhe ka evakuuar banorët e qytetit Grindavík për të garantuar sigurinë e banorëve.

Ambasada e Republikës së Kosovës në Stokholm u bën thirrje shtetasve të Kosovës që të jenë të vëmendshëm dhe të ndjekin të gjitha udhëzimet dhe rekomandimet e autoriteteve islandeze.

Numri emergjent i Ambasadës në Stokholm: +46 73 508 60 99

Numrat emergjentë të Ministrisë së Punëve të Jashtme dhe Diasporës: +383 46 510 051 dhe +383 46 410 041

Emaili:qmk.mpjd@rks-gov.net