Në Itali janë sekuestruar 196 kilogramë marihuanë nga Zvicra

Keystone

Bëhet e ditur se në Itali janë sekuestruar 196 kilogramë marihuanë nga Zvicra, përcjell albinfo.ch.

Një 53-vjeçar po transportonte drogë me vlerë 2 milionë euro (1.93 milionë CHF) nga Zvicra në Republikën Çeke për shitje në Itali.

Garda Financiare italiane sekuestroi 196 kilogramë marihuanë në një furgon në verilindje të Italisë, pranë kufirit austriak. Një 53-vjeçar polak është arrestuar. Droga, me vlerë 2 milionë euro, fillimisht ishte transportuar nga Zvicra në Republikën Çeke dhe kishte si destinacion shitjen në Itali.

Furgoni u pa të hënën mbrëma gjatë një postblloku në një portë pagese të autostradës në rajonin Friuli-Venezia Giulia, njoftoi agjencia italiane e lajmeve Adnkronos.

Ngarkesa e kanabisit ishte e paketuar në 176 pako.

Nga hetimet rezultoi se droga e kishte origjinën nga Zvicra, e cila transportohej në Çeki dhe më pas në Itali.

Shoferi polak u la i lirë, pasi nuk plotësonte kushtet për burgim. Ai do të përgjigjet për import të lëndëve narkotike.