Hagë: Gjykimi ndaj Thaçit dhe të tjerëve pritet të vazhdojë më 4 dhjetor

Zëdhënësi i Dhomave të Specializuara të Kosovës në Hagë, Michael Doyle, gjatë konferencës javore ka njoftuar se seanca e ardhshme në procesin e çështjes gjyqësore ndaj Thaçit dhe të tjerëve është caktuar të mbahet më 4 dhjetor, shkruan albinfo.ch.

Ai ka konfirmuar se gjatë javës së kaluar janë dëgjuar dëshmitë e tre dëshmitarëve në lidhje me këtë çështje.

Ai gjithashtu njoftoi se trupi gjykues ka urdhëruar vazhdimin e paraburgimit për dy të akuzuarit, Jakup Krasniqin dhe Rexhep Selimin, ndërsa theksoi pranimin e disa transkripteve dhe deklaratave të mëparshme të Hashim Thaçit dhe të tjerëve si prova në procesin gjyqësor, ku në veçanti janë përmendur intervista të Prokurorisë me Thaçin dhe Selimin dhe dëshmi të tjera nga të akuzuarit.