Kosovë: Shpërndahen mjetet mbrojtëse për gazetarët

Foto FB: Asociacioni i Gazetarëve të Kosovës - AGK

Asociacioni i Gazetarëve të Kosovës ka njoftuar se sot është bërë shpërndarja e mjeteve mbrojtëse për gazetarët që raportojnë nga terrenet me rrezikshmëri, të dhuruara nga FPU dhe RSF – me ndërmjetësimin e Zyrtares Ligjore të European Centre for Press and Media Freedom ECPMF, Flutura Kusari, shkruan albinfo.ch.

Sipas njoftimit, mjetet mbrojtëse, si jelekët antiplumb, helmeta dhe pakot e ndihmës së parë, janë shpërndarë tek 20 medie (televizione dhe portale), që kanë raportuar nga pjesa veriore e Republikës së Kosovës.

“Shpërndarja e këtyre mjeteve mbrojtëse u bë në Ministria e Punëve të Brendshme, zyrtarët e së cilës treguan gatishmëri dhe bashkëpunim të mirë gjatë gjithë procesit, në koordinim me zyrën përkatëse në Ministria e Industrisë, Ndërmarrësisë dhe Tregtisë”, thuhet në njoftim.