Kosova mbyll sot kampanjën kualifikuese me sfidën ndaj Bjellorusisë

Kosova synon ta përmbyllë me fitore kampanjën për “Euro 2024”, përballet me Bjellorusinë në “Fadil Vokrri”

 

 

Në stadiumin “Fadil Vokrri” në Prishtinë sonte do të zhvillohet ndeshja ndërmjet Kosovës dhe Bjellorusisë.

Kjo njëheriësh do të jetë edhe ndeshjen e fundit e Dardanëve në këtë kampanjë kualifikuese për Kampionatin Evropian “Euro 2024.”

Kosova tashmë ka humbur të gjitha gjasat për kualifikim në këtë kampionat, pasi ka mbledhur 11 pikë, duke u renditur në vendin e katërt në grupin I.

Kosova kërkon tri pikët për të shpresuar në pozitën e tretë, e cila mbahet nga Izraeli, që në duelin e fundit luan përballë Andorrës.

Ndërkohë Bjellorusia synon të shkaktojë befasi në Prishtinë, për ta zënë vendin e katërt në tabelë.

E dueli tjetër i këtij grupi është ai mes Rumanisë dhe Zvicrës, që luhet për pozitën e parë në tabelë.

Nga ky grup janë kualifikuar Rumania dhe Zvicra.

---