Plagoset një polic në shkëmbim zjarri më katër persona që po kryenin grabitje

Një zyrtar policor është plagosur të mërkurën në Suharekë, pas një përplasjeje me katër të dyshuar shtinë me armë në drejtim të tij kur kryen grabitje në një argjendari.

Zëdhënësi i Policisë për rajonin e Prizrenit, Shaqir Bytyqi, i tha KOHËS se grabitja me armë zjarri ka ndodhur rreth orës 15:45, e kur Policia ka dalë në vendin e ngjarjes, të dyshuarit kanë qëlluar policin. Ai gjendet jashtë rrezikut për jetë.

“Rreth orës 16:30 kemi marrë informatën se vetura e dyshimtë është një veturë e pasagjerëve. Sapo policia ka mbërritur në vendngjarje, të dyshuarit kanë shtënë me armë zjarri në drejtim të policisë, një zyrtar policor është plagosur. Ai ka marrë trajtim mjekësor dhe është jashtë rrezikut për jetë”, thuhet në njoftimin e Bytyqit.

Të dyshuarit kanë ikur nga vendi i ngjarjes, përcjell albinfo.ch.