Presidenti gjerman, Steinmeier, nga nesër për vizitë në Lindjen e Mesme

Keystone EPA/MOHAMMED SABER

Izraeli do të jetë ndalesa e parë për presidentin gjerman, Frank-Walter Steinmeier, ndërsa ai fillon të dielën udhëtimin e tij dyditor në Lindjen e Mesme.

Steinmeier do të udhëtojë në Izrael, Oman dhe Katar, teksa takimi i tij i parë do të jetë me homologun izraelit, Isaac Herzog, për diskutime politike, përcjell DW.

Në një video-mesazh të publikuar sot, Steinmeier u shpreh se donte të tregonte mbështetjen e tij për Izraelin pas sulmeve terroriste vdekjeprurëse të 7 tetorit nga grupi militant islamik Hamas.

“Askush nuk mund t’i mohojë Izraelit të drejtën për të luftuar terrorin me vendosmëri”, tha Steinmeier, teksa shtoi gjithashtu se luftimet po shkaktonin vuajtje të jashtëzakonshme mes civilëve të paarmatosur në Rripin e Gazës, përcjell albinfo.ch.

“Çdo masë paraprake për të nxjerrë civilët nga vija e zjarrit është e nevojshme. Përveç kësaj, ekziston furnizimi i nevojave më jetike. Kjo është ajo që kërkon ligji ndërkombëtar humanitar dhe këtë presim edhe ne gjermanët”, tha Steinmeier.