Targat ilegale të mbi 4000 veturave janë konvertuar në RKS

Nga 1 nëntori deri më 1 dhjetor janë kovertuar targat e 3221 veturave nga ato ilegale në RKS, teksa Policia e Kosovës ka konfirmuar sot, se mbi 4000 vetura në veri i kanë konvertuar targat në RKS.

“Nëse këtij numri ia shtojmë edhe 800 të regjistruara më herët, atëherë flasim për mbi 4000 vetura që tashmë në veri të vendit janë të regjistruara me targa RKS”, kanë thënë nga Policia e Kosovës.

Ndryshe, së fundmi, Qeveria e Kosovës shtyu edhe për 15 ditë afatin për regjistrimin e veturave që kanë targa ilegale në ato RKS, afat i cili nënkupton se qytetarët në veri kanë kohë deri më 15 dhjetor për konvertimin e targave, përcjell albinfo.ch.