Nënshkruhet kontrata për energjinë elektrike në veri

@albinfo.ch

I dërguari i posaçëm i Bashkimit Evropian për dialogun Kosovë-Serbi, Miroslav Lajçak, njoftoi të shtunën se kompania serbe, Elektrosever, ka nënshkruar kontratë komerciale për energjinë me kompaninë kosovare për Distribuimin e Energjisë Elektrike (KEDS).

“E mirëpres nënshkrimin e sotëm të kontratës komerciale mes KEDS-it dhe Elektroserverit. Ky është hap i rëndësishëm në implementimin e Udhërrëfyesit për Energjinë të lehtësuar nga BE-ja dhe në rrugën e normalizimit të marrëdhënieve mes Kosovës dhe Serbisë”, ka shkruar ai në platformën X, përcjell albinfo.ch.

Udhërrëfyesi thoshte se Elektroserveri do të nënshkruante marrëveshjet e nevojshme brenda afatit që nga lëshimi i licencës, megjithatë ishte kritikuar se s’po e bën një gjë të tillë.

Marrëveshja për Energji parashihte që qytetarët në veri të Kosovës të paguajnë për rrymën e shpenzuar nga vjeshta e vitit 2022 – për herë të parë pas më shumë se dy dekadash.

Elektrosever është në pronësi të kompanisë energjetike të Serbisë – EPS (Elektroprivreda Srbije), por në Kosovë është themeluar me ligje të Kosovës, përcjell albinfo.ch.