Lozana mban gjallë traditën gjashtëshekullore me një rojë nate të re

Lozana, photo by Patchara Suwan

Një zë i ri do të jehojë rreth Katedrales së Lozanës në Zvicër nga 1 janari 2024 pasi u emërua një roje i ri nate, përcjell albinfo.ch.

Çdo mbrëmje, rojtari i natës ngjitet në majë të kambanores së katedrales së Lozanës dhe fillon në punë: ai thërret kohën çdo orë, duke mbajtur gjallë një traditë gjashtëshekullore.

Rojtari i natës, një nga të fundit në Evropë, nuk e alarmon më këtë qytet zviceran për zjarret, por ai i ndihmon banorët të mbajnë gjurmët e kohës.

“Ky është roja! Kambana ka rënë 10. Kambana ka rënë 10”.

Duke vendosur duart rreth gojës, zëri i rojtarit kalon nëpër çatitë, ashtu siç kanë bërë paraardhësit e tij çdo mbrëmje që nga viti 1405.

Tani e tutje kjo do të jetë puna e Alexandre Schmid, i cili nga 1 janari do të zëvendësojë Renato Häusler, i cili mban këtë post që nga viti 2002.