Kush është kosovari i parë që hyri në zonën Shengen pa vizë?

Avokati Arianit Koci ka hyrë në shtetin e Greqisë pa pasur nevojë për vizë.

Ai fillimisht ka paraqitur pamje nga kufiri Maqedoni e Veriut-Greqi, e më pas ka hyrë në shtetin grek, kjo pasi Greqia me zonë kohore është një orë para Kosovës.

Për shkak të diferencës kohore, në Bashkimin Evropian Viti i Ri ka ardhur së pari në Greqi.

“Kur në Paris, Berlin apo Romë, njëjtë si në Kosovë, ka qenë ora 23.00, grekët e kanë uruar njëri-tjetrin. Kjo është arsyeja pse nuk kam shkuar në drejtim të Kroacisë. Siç ka thënë Dostojevski: “Duhet diçka më shumë se inteligjenca, për të vepruar me inteligjencë”. Në anën tjetër, lajmi se jam kosovarj i parë që ka hyrë në BE pa vizë, është pjesërisht i vërtetë. Si xhentëllmen që jam, përparësi i kam dhënë Meritës…Urime!”, ka shkruar Koci.

Koci menjëherë pasi ka kaluar kufirin dhe ka dalë në territorin e Greqisë, ka takuar edhe një familje kosovare.

Nga atje avokati Koci ka hapur shampanjë në shenjë feste për liberalizimin e vizave.