Dekreti i Putin-it: Të huajt që luftojnë për Rusinë, mund të aplikojnë për shtetësinë ruse

Keystone (AP Photo/RIA Novosti, Alexei Nikolsky, Presidential Press Service)

Presidenti i Rusisë, Vladimir Putin, ka nënshkruar sot një dekret, sipas të cilit, shtetasit e huaj që u bashkohen forcave të armatosura ruse do të mund të aplikojnë për shtetësinë ruse, përcjell albinfo.ch.

Dekreti vjen në kohën kur Rusia po përpiqet gjithnjë e më shumë të tërheqë rekrutët e huaj për të luftuar në Ukrainë, ndërsa më 14 dhjetor Putin ka deklaruar se nuk kishte nevojë për valë të dytë mobilizimi në Rusi.

Sipas dekretit të ri, të huajt që i bashkohen ushtrisë ruse do të mund të marrin nënshtetësinë ruse teksa të afërmit e tyre, përfshirë fëmijët e luftëtarëve të huaj, do të kenë gjithashtu të drejtën të marrin nënshtetësinë ruse.

Tutje dekreti lejon luftëtarët e huaj që janë larguar nga ushtria për arsye shëndetësore, moshe, skadim të kontratës ose përfundim të gjendjes së jashtëzakonshme, të kërkojnë shtetësi.