Mbyllje e përkohshme e Selisë së OKB-së në Gjenevë

Cilat janë arsyet?

Mësohet se selia evropiane e OKB-së në Gjenevë do të qëndrojë e mbyllur deri më 12 janar, përcjell albinfo.ch.

Organizata në fakt ka një problem likuiditeti.

Rritja e mprehtë e çmimeve të energjisë në Zvicër po rëndon mbi llogaritë. Pikërisht për këtë arsye, dyert e Palais des Nations janë mbyllur që më 20 dhjetor, deklaroi zëdhënësja Alessandra Vellucci. Megjithatë, puna do të vazhdojë edhe gjatë mbylljes: punonjësit kryejnë detyrat e tyre në zyrën e shtëpisë dhe ata që duhet të shkojnë domosdoshmërisht në Palais des Nations kanë ende akses atje.

Kriza e likuiditetit vjen, ndër të tjera, nga fakti se rreth 50 vende anëtare nuk i kanë paguar kontributet në kohë. Midis tyre, edhe Shtetet e Bashkuara.

 

---