Franca do të ndërtojë më shumë termocentrale bërthamore

Pixabay: Ilustrim

Franca ka planifikuar tashmë gjashtë termocentrale të reja bërthamore – tani vendi dëshiron të ndërtojë tetë të tjerë.

Lajmin e ka bërë të ditur ministrja franceze e Energjisë, Agnès Pannier-Runacher, ndërsa u tha se në total është në diskutim ndërtimi i 14 centraleve bërthamore, përcjell SRF.

Franca dëshiron të zvogëlojë pjesën e lëndëve djegëse fosile në përzierjen e energjisë nga aktualisht më shumë se 60 për qind në 40 për qind deri në vitin 2035 – dhe gjithashtu po mbështetet në energjinë bërthamore për ta arritur këtë.

Sipas saj, Franca dëshiron të mbështetet në një model reaktori më të ri dhe kjo duhet të ofrojë më shumë performancë me siguri më të madhe, shkruan albinfo.ch.

Sipas kompanisë shtetërore të energjisë EDF, reaktori i parë i tillë është planifikuar të dalë online në Flamanville në Normandi në mes të vitit – fillimisht për qëllime testimi dhe pas 17 vjetësh ndërtimi.