Izraeli “përfundon” luftimet në veri të Gazës

Keystone (AP Photo/Adel Hana)

Ushtria izraelite ka lënë të kuptohet se ka përfunduar luftimet e mëdha në veri të Gazës, duke thënë se ka përfunduar shkatërrimin e infrastrukturës ushtarake të Hamasit atje.

Nuk është dhënë ndonjë njoftim për dislokimin e trupave në veri të Gazës në të ardhmen, shkruan REL. Zëdhënësi i ushtrisë, Daniel Hagari, ka thënë se forcat “do të vazhdojnë të thellojnë arritjet” atje dhe do të forcojnë mbrojtjen përgjatë kufirit mes Izraelit dhe Gazës, ndërsa u shpreh se trupat do të përqendrohen në pjesët qendrore dhe jugore të territorit, përcjell albinfo.ch.

Ndryshe, në javët e fundit, Izraeli ka zbutur ofensivën ushtarake në veri të Gazës dhe është përqendruar në pjesën jugore, ku shumica e 2.3 milionë banorëve të Gazës janë strehuar.