Vuçiq i përgjigjet kryediplomatit britanik

Presidenti i Serbisë, Aleksandar Vuçiq, ka thënë se është i zhgënjyer me deklaratat e sekretarit të Jashtëm Britanik, David Cameron, i cili tha se Perëndimi duhet të shprehë më qartë qëndrimin zhgënjyes ndaj Serbisë për rastin e Banjskës më 24 shtator.

“Ka shumë fjalë kinse ne do të destabilizojmë rajonin. Mua më duket se shumë të tjerë po punojnë për këtë me ndihmën e përzemërt të atyre faktorëve që po na japin leksione. Ju shqetësoni shumë njerëz kur dëshironi ta keni politikën tuaj, nuk jeni të dëgjueshëm dhe ne do të vazhdojmë të kemi politikë të pavarur sa i përket si çështjes së Rusisë, ashtu edhe të tjerave”, ka thënë Vuçiq.

Cameron vizitoi Kosovën më 4 janar të këtij viti. Nga Prishtina, ku tha se siguria e Ballkanit është interes nacional i Britanisë së Madhe.