Albares: Nuk mund të pretendojmë se nuk ekziston Kosova

Por, ne nuk e njohim sovranitetin e saj

Ministri i Punëve të Jashtme i Spanjës, Jose Manuel Albares, ka deklaruar se Spanja nuk do të ndryshojë qëndrim për pranimin e pavarësisë së Kosovës, pavarësisht njohjes së pasaportave.

Sipas tij, Spanja nuk do të jetë kurrë pengesë për dialogun Kosovë-Serbi dhe afrimin e Prishtinës në Bashkimin Evropian.

“Spanja nuk do të jetë kurrë pengesë për dialogun ndërmjet Beogradit dhe Prishtinës. As për afrimin mes Prishtinës dhe Bashkimit Evropian. Sepse ai territor i Kosovës është brenda Ballkanit Perëndimor, dhe shkon në samitet e Bashkimit Evropian me Ballkanin Perëndimor. Dhe, Përfaqësuesi i Lartë bëri një punë të lavdërueshme dhe ne e mbështesim atë. Nuk mund të pretendojmë se nuk ekziston. Por kjo nuk do të thotë se ne e njohim sovranitetin e saj”, ka thënë Albares për mediumin “El Periodico Espana”, përcjell albinfo.ch.

“Edhe pse kjo nuk do të thotë, siç tregojnë këshillat juridike spanjolle dhe të të gjitha shteteve të Bashkimin Evropian, e them edhe një herë, s’ka nohje të Kosovës apo sovranitetit të saj. Ne jemi pesë shtete të Bashkimit Evropian që nuk e njohim Kosovën, por i pranojmë pasaportat e tyre”, ka shtuar tutje ai.

 

---