Të mirat shëndetësore që na sjell kjo perime

Ashtu si të gjitha perimet me ngjyrë të verdhë dhe portokalli, kungulli është i pasur në vitaminë A. Është veçanërisht i përshtatshëm për dieta, sepse ka një përmbajtje shumë të ulët të karbohidrateve.

Kungulli ka rreth 95% ujë dhe për këtë arsye, mund të përfshihet në dietën e përditshme të personave që duhet t’i kushtojnë vëmendje peshës trupore.

Nëse konsumojmë kungull në dietën e përditshme ushqimore, përfitojmë rreth 20% të vlerës së përditshme të vitaminës C, 10% ose më shumë të vitaminës E, kalium, bakër dhe mangan, 5%, të hekurit dhe fosforit.

Kungulli është gjithashtu i shkëlqyer për të luftuar sëmundjet kardiovaskulare kur janë në fillimet e tyre. Jo vetëm që mund të ndihmojë në uljen e rrezikut të infarktit, por redukton dhe parandalon formimin e gurëve në veshka.

Antioksidantët, vitamina C, vitamina E dhe beta-karoteni që përmban kungulli i verdhë janë fantastike për shëndetin e syve dhe ndihmojnë për të luftuar radikalet e lira. Antioksidantët në të luftojnë plakjen dhe mbajnë të freskët fytyrën!

Kungulli mund të konsumohet i kripur, i ëmbël, pure, byrek, supë etj.