Kuvendi sot mban seancë të jashtëzakonshme për çmimin e rrymës

Sot Kuvendi i Kosovës do të mbajë seancë të jashtëzakonshme, përcjell albinfo.ch.

Seanca e thirrur në orën 10:00 ka vetëm një pikë në rend dite: “Shqyrtimi i Propozim-rezolutës në lidhje me çmimin dhe faturimin aktual të energjisë elektrike për konsumatorët”.

Seanca e jashtëzakonshme për çështjen e çmimit të energjisë elektrike është thirrur nga PDK-ja.

“Me mbështetjen e 40 deputetëve nga partitë e tjera opozitare, si Grup Parlamentar i PDK-së kemi thirrur seancë të jashtëzakonshme për të diskutuar çështjen e çmimit të energjisë elektrike në vendin tonë. Konsiderojmë se sot nuk ka gjë më të rëndësishme që sesioni parlamentar mund të fillojë sesa me diskutimin për çmimin e energjisë”, tha Abelard Tahiri të hënën pas mbledhjes së Kryesisë së Kuvendit.