Përshtypjet e para për Kosovën nga ambasadori i Zvicrës

Jürg Sprecher, ambasadori i sapoemëruar i Zvicrës në Kosovë, për platformën mediale Albinfo.ch ka treguar përshtypjet e tij të para për Kosovën.

“Fillimi im në Prishtinë ka qenë i shkëlqyer. Më 2 nëntor i dorëzova Presidentes letrat kredenciale. Këshilli Federal me këtë shkresë formale shpall ambasadorët pranë qeverisë tjetër përkatëse, tregon ai.

“Fakti që jemi pritur kaq shpejt nga Presidentja Osmani – më pak se 24 orë pas mbërritjes sonë – tregon se sa shumë vlerësohet Zvicra këtu në Kosovë dhe sa të ngushta janë marrëdhëniet tona. Që atëherë, unë tashmë pata mundësinë të njoh pak Kosovën dhe njerëzit e saj dhe më duhet të them: këtu ka një atmosferë të veçantë që më pëlqen shumë. Gjithashtu mezi pres të punoj me ekipin fantastik që kemi në Ambasadën Zvicerane”, shprehet Sprecher.