Kurti do të bëjë homazhe te varri i Heroit Kombëtar, Zahir Pajaziti

Sot bëhen 27 vjet nga rënia heroike e Zahir Pajazitit, Hakif Zejnullahut dhe Edmond Hoxhës.

Lidhur me këtë rast, Kryeministri Albin Kurti do të bëjë homazhe te varri i Hakif Pajazitit.

Fillimisht Kurti do të shkojë tek Kompleksi Memorial në Orllan, te varri i Zahir Pajazitit, në orën 10:30.

Pas kësaj do të bëjë homazhe te shtatoret e Zahir Pajazitit, Edmond Hoxhës, Hakif Zejnullahut dhe Ilir Konushevcit, në orën 11:00, te sheshi në Besianë.

Më 31 janar 2008, në 11-vjetorin e rënies, presidenti i Kosovës, Fatmir Sejdiu, i akordoi Zahir Pajazitit dekoratën më të lartë shtetërore të Kosovës, Urdhrin Hero i Kosovës.