​KFOR-i po patrullon përgjatë kufirit Kosovë-Serbi

Foto FB: NATO Kosovo Force - KFOR

Misioni i NATO-s në Kosovë, KFOR, ka njoftuar se është duke u zhvilluar patrullim sigurie përgjatë kufirit të Kosovës me Serbinë.

Lajmi është bërë i ditur nga llogaria zyrtare e KFOR-it në Facebook, ku janë publikuar edhe fotografitë e pjesëtarëve të KFOR-it.

“Toga italiane e inxhinierëve ORF kryen një patrullë sigurie standarde përgjatë Vijës Kufitare Administrative. KFOR-i është plotësisht i fokusuar në zbatimin e përditshëm të mandatit të tij – bazuar në Rezolutën 1244 të Këshillit të Sigurimit të OKB-së të vitit 1999 – për të ofruar një mjedis të sigurt dhe të qetë për të gjitha komunitetet që jetojnë në Kosovë dhe lirinë e lëvizjes”, thuhet në njoftim, transmeton albinfo.ch.