Sinani: BE-ja nuk reagoi për spastrimin etnik administrativ të shqiptarëve të Luginës

Ardita Sinani

Ardita Sinani, këshilltare e kryeministrit të Kosovës, Albin Kurti, ka deklaruar se Bashkimi Evropian po përdor standarde të dyfishta për Kosovën dhe Serbinë.

Ajo ka shkruar se kur bëhet fjalë për Kosovën, BE-ja lehtësisht bën thirrje që çështjet e brendshme, si mbyllja e strukturave paralele të Serbisë në Kosovë, por sipas saj, për Serbinë vlejnë standarde të tjera.

“Për shembull, pse asnjëherë nuk e dëgjuam të njëjtën thirrje nga BE-ja për çështjen e pasivizimit të adresave dhe spastrimit etnik administrativ të shqiptarëve nga Serbia në Luginë? Apo për mospërmbushjen e marrëveshjeve të miratuara prej saj për Luginën e Preshevës, siç janë: integrimi, rimëkëmbja e shpejtë ekonomike, kthimi i popullatës së zhvendosur dhe çmilitarizimi i rajonit nga ana e njësive speciale të sigurisë?”, ka shkruar ajo në profilin e saj në Facebook.