Paralajmërimi i Hamasit nëse Izraeli fillon ofensivë tokësore në Rafah

Keystone EPA/MOHAMMED SABER

Udhëheqës të lartë të grupit Hamas kanë paralajmëruar se ofensiva tokësore izraelite në Rafah në kufirin e Gazës do të “hedhë në erë” negociatat e shkëmbimit të pengjeve, sipas kanaleve të komunikimit atje.

Në anën tjetër, zyra e kryeministrit izraelit, Benjamin Netanyahu, ka njoftuar se kishte urdhëruar ushtrinë të zhvillojë një plan për evakuimin e Rafahut dhe shkatërrimin e katër batalioneve të Hamasit që thuhet se janë vendosur atje, teksa shumica e të zhvendosurve kanë kërkuar strehim në Rafah, në kufirin me Egjiptin.

Megjithatë, pas bisedimeve për armëpushim, kryeministri i Izraelit deklaroi se forcat izraelite do të luftojnë deri në “fitoren totale”, transmeton albinfo.ch.