Sulm vetëvrasës në Athinë, katër të vdekur

Në Athinë, një burrë ka qëlluar për vdekje tre persona në hapësirat e një kompanie transporti, teksa raportohet se ka hyrë në ndërtesë, ka vrarë dy burra dhe një grua dhe më pas ka vrarë edhe veten.

I dyshuari është gjetur i vdekur afër armës së gjuetisë që besohet se është përdorur gjatë sulmit teksa, sipas raportimeve nga policia, i dyshuari ka qenë punonjës i kompanisë dhe ishte pushuar nga puna para sulmit.

Mes të vrarëve ka qenë edhe pronari i kompanisë “European Product Carriers”, shkruan BBC.

“Dëgjova të shtëna. U nisa drejt shkallëve për të parë se çfarë është duke ndodhur. I pashë dy persona duke zbritur poshtë dhe më thanë: ‘Është Arisi me armë dhe po qëllon njerëz’. Normalisht nxitova dhe dola jashtë”, ka thënë një dëshmitar, transmeton albinfo.ch.

Policia greke ka rrethuar një zonë të gjerë rreth ndërtesës, në vendngjarje doli edhe njësia elitare kundër terrorizmit “EKAM”, ndërsa gjithashtu u panë edhe makina të zjarrfikësve dhe ambulanca.

Sulmuesi është identifikuar si shtetas egjiptian 70-vjeçar.