BE-ja kërkon hetime ndaj TikTok, krijon varësi dhe ka përmbajtje të dëmshme

Pixabay

Brukseli njoftoi sot një hetim që synon platformën e mediave sociale TikTok për dështimet në mbrojtjen e të miturve, i dyti i këtij lloji sipas rregulloreve të reja evropiane pas platformës X (ish-Twitter), e cila u hap në dhjetor.

Komisioni Evropian shpjegoi se ka filluar “një procedurë zyrtare” për të vendosur nëse TikTok ka shkelur Aktin e Shërbimeve Dixhitale për të miturit”, “transparencën e reklamave”, “qasjen në të dhëna për studiuesit”. Por, edhe ‘risqet që lidhen me faktin se platforma në fjalë është projektuar në një mënyrë që të krijojë varësi’ dhe ‘përmbajtje të dëmshme’, transmeton euronews, përcjell albinfo.ch.

Akti i Shërbimeve Dixhitale hyri në fuqi të plotë të shtunën dhe detyrimet që ajo ofron tashmë po vendosen në të gjitha platformat në internet, nën kërcënimin e gjobave, për të mbrojtur më mirë përdoruesit nga përmbajtja e paligjshme.