U vazhdohet paraburgimi edhe për dy muaj tre terroristëve në rastin e Banjskës

Foto nga konferenca: Kryeministri Albin Kurti

Departamenti Special i Gjykatës Themelore në Prishtinë e ka aprovuar kërkesën e Prokurorisë Speciale për vazhdimin e masës së paraburgimit prej 2 muajsh për tre terroristët e Banjskës.

“Ju njoftojmë se pas kërkesës së Prokurorisë Speciale të Republikës së Kosovës për vazhdimin e masës së paraburgimit në çështjen penale kundër të pandehurve V.T., B.S. dhe D.M., Gjykata Themelore në Prishtinë – Departamenti Special ka aprovuar kërkesën e Prokurorisë Speciale të Republikës së Kosovës, ashtu që të pandehurve V.T., B.S. dhe D.M. iu është vazhduar masa e paraburgimit në kohëzgjatje prej 2 (dy) muaj, për secilin”, ka thënë zëdhënësja e kësaj gjykate, Mirlinda Gashi, për Klankosova.

Ndryshe, para disa ditëve, ministri i Punëve të Brendshme i Kosovës, Xhelal Sveçla, ka njoftuar se INTERPOL-i ka lëshuar urdhërarrest ndërkombëtar ndaj të gjithë terroristëve të Banjskës./albinfo.ch