Sot nisin garat për kualifikim në botëror boksierët nga Kosova

Federata e Boksit e Kosovës

Boksierët nga Kosova do të paraqiten këtë të diel në turneun e parë kualifikues për botërorin e boksit “Parisi 2024”.

Turneu që do të nisë sot dhe do të zgjasë deri më 11 mars, mbahet në Busto Arsizio të Italisë.

Kosovën e përfaqësojnë Bashkim e Shpëtim Bajoku si dhe Donjeta Sadiku.

Bashkim Bajoku bokson sot ndaj meksikanit Ari Bonilla. Bashkim Bajoku kërkon normën në kategorinë deri 51 kilogramë. Në këtë kategori ndahen katër norma, ndërsa Bashkimi kualifikohet për Paris me katër fitore.

Në kategorinë 63.5 kg, Shpëtim Bajoku në xhiron e parë është i lirë. Kështu që atij i duhen tri fitore për të siguruar normën olimpike.

Donjeta Sadiku duhet të përfundojë në njërën prej tri pozitave të para në kategorinë deri 60 kg për t’u kualifikuar. Pas dy ditësh, Donjeta përballet me Shona Whitwell të Britanisë së Madhe. Ndaj saj ka një fitore e një humbje.

Në kategorinë 51 kg janë 48 boksierë. Në kategorinë 63.5 kg janë 59 boksierë, ndërsa te Donjeta janë 42 boksiere./Koha.net