Sami Lushtaku ndalohet për intervistim nga Specialja

Nënkryetari i Komunës së Skenderajt dhe kryetari i Partisë Demokratike të Kosovës në këtë komunë, Sami Lushtaku, mbrëmjen e së premtes është ndaluar nga Zyra e Prokurorit të Specializuar për intervistim në zyrat e EULEX-it në Fushë Kosovë.

Për mediat në Kosovës këtë e ka konfirmuar, deputeti Mërgim Lushtaku, i biri i Sami Lushtakut që tha se babai i tij i shoqëruar nga avokati ndodhet në zyrat e EULEX-it në Fushë Kosovë.

“Po, janë duke biseduar me avokatin, pasi sipas të gjitha gjasave është vetëm për telefon. Sipas avokatit vetëm për telefon dhe ende është në zyrat e EULEX-it“, tha ai.