Haradinaj shkon në Deçan, thotë se do të zbatohet vendimi për tokat rreth Manastirit

Ramush Haradinaj, FB

Kryetari i Aleancës për Ardhmërinë e Kosovës, Ramush Haradinaj këtë të martë ka shkuar për vizitë në Komunën e Deçanit, një javë pasi Qeveria e Kosovës, urdhëroi Agjencinë Kadastrale t`ia regjistrojë në pronësi 24 hektarët, Manastirit të Deçanit.

“Sot qëndrova në Deçan ku zhvillova një diskutim me kryetarin, z. Bashkim Ramosaj dhe autoritetet tjera lokale për të gjitha zhvillimet e fundit në Deçan e më gjerë. Deçani, si çdoherë ka nderuar Kosovën e gjithë kombin në të gjitha çështjet e ndjeshme, dhe do të vazhdojë të jetë në shërbim të qytetarëve dhe në përputhje me Kushtetutën dhe ligjet e Kosovës, për t’i respektuar vendimet e institucioneve qendrore të Kosovës, sepse është shteti ynë dhe shtet tjetër nuk kemi”, ka thënë Haradinaj.